ਕਰ ਕੇ ਫੁੱਲਾਂ ਦੇ ਲਈ ਇਕ਼ਰਾਰ ਤੂੰ |
ਧਰ ਗਿਆ ਮੇਰੀ ਤਲੀ ਅੰਗਿਆਰ ਤੂੰ ।
ਦਿਲ ਨੂੰ ਦੇ ਝੂਠੀ ਤਸੱਲੀ ਹੀ ਕੋਈ ,
ਬਣ ਮੇਰਾ ਕੁਝ ਦੇਰ ਤਾਂ ਗ਼ਮਖ਼ਾਰ ਤੂੰ |
ਉਲਝਣਾ ਦਾ ਦੌਰ ਤਾਂ ਮੁਕਣਾ ਨਹੀਂ ,
ਐ ਦਿਲਾ! ਕਿੰਝ ਕੱਟਣੇ ਦਿਨ ਚਾਰ ਤੂੰ |
ਪੀਲੀ ਰੁੱਤੇ ਖ਼ਾਬ ਸਭ ਮੁਰਝਾ ਗਏ ,
ਵੇਖ ਆ ਕੇ ਸੱਜਣਾ ਇਕ ਵਾਰ ਤੂੰ |
ਸੁਫ਼ਨਿਆਂ ਨੂੰ ਪੂਰਾ ਅੰਬਰ ਬਖ਼ਸ਼ ਦੇ ,
ਜਾਣ ਦੇ ਦਿਸਹੱਦਿਆਂ ਤੋਂ ਪਾਰ ਤੂੰ |
ਦਰਦ ਮੇਰੇ ਦਿਲ ਦਾ ਜੇ ਮਿਣਨੈ ਜ਼ਰੂਰ ,
ਤੋਲ ਮੇਰੇ ਹੰਝੂਆਂ ਦਾ ਭਾਰ ਤੂੰ |
ਸਿਦਕ ਮੇਰਾ ਪਰਖ ਲੈ ਇਕ ਵਾਰ ਹੀ ,
ਮਾਰ ਨਾ ਪਲ ਵਿਚ ਹਜ਼ਾਰਾਂ ਵਾਰ ਤੂੰ |
ਰਹਿਣ ਦੇ ਕੁਝ ਭਰਮ ,ਨਜ਼ਰਾਂ ਨਾ ਚੁਰਾ ,
ਤੋੜ ਨਾ ਹੁਣ ਇੰਝ ਮੇਰਾ ਇਤਬਾਰ ਤੂੰ
ਸੁਫ਼ਨਿਆਂ ਨੂੰ ਪੂਰਾ ਅੰਬਰ ਬਖ਼ਸ਼ ਦੇ ,
ReplyDeleteਜਾਣ ਦੇ ਦਿਸਹੱਦਿਆਂ ਤੋਂ ਪਾਰ ਤੂੰ |
ਬਹੁਤ ਖੂਬ, ਉਚੀ ਉਡਾਣ ਵਾਲਾ ਸ਼ਿਅਰ ਹੈ। ਮੈਨੂੰ ਪਸੰਦ ਆਇਆ।
ਗੁਰਦੀਪ
thanks ji....
ReplyDelete