ਡੁਬ ਨਾ ਜਾਵੇ ਦਿਲ ਨੂੰ ਏਨਾ ਰਾਸ ਕਰੀਂ ।
ਅਪਣੇ ਆਪੇ ਤੇ ਥੋੜਾ ਵਿਸ਼ਵਾਸ ਕਰੀਂ ।
ਰੇਤ ਬਣੇ ਦਰਿਆਵਾਂ ਕੋਲੋਂ ਕੀ ਮਿਲਣੈਂ,
ਐਵੇਂ ਨਾ ਤੂੰ ਤੀਬਰ ਅਪਣੀ ਪਿਆਸ ਕਰੀਂ ।
ਦੋਸ਼ ਬਿਗਾਨੇ ਵਿਹੜੇ ਨੂੰ ਹੀ ਦੇਵੀਂ ਨਾ ,
ਆਪਣਿਆਂ ਐਬਾਂ ਦਾ ਵੀ ਅਹਿਸਸ ਕਰੀਂ ।
ਅਮਲਾਂ ਦੀ ਦਰਗਾਹ ਵਿਚ ਲੇਖਾ ਦੇਣੈ ਜਦ ,
ਝੁਕ ਨਾ ਜਾਵਣ ਨਜ਼ਰਾਂ ਇਹ ਅਰਦਾਸ ਕਰੀਂ ।
ਔਖੇ ਵੇਲ਼ੇ ਪਰਛਾਵਾਂ ਤਕ ਛਡ ਦਿੰਦੈ ,
ਦੁਨੀਆਂ ਤੋਂ ਨਾ ਬਹੁਤੀ ਕੋਈ ਆਸ ਕਰੀਂ
ਤਕ਼ਦੀਰਾਂ ਦੀ ਹੋਣੀ ਹੈ ਤਦਬੀਰਾਂ ਵਿਚ ,
ਲਿਖਿਆਂ ਲੇਖਾਂ ਤੇ ਹੀ ਨਾ ਭਰਵਾਸ ਕਰੀਂ ।
ਨੱਕੋਂ ਅੱਗੇ ਵੇਖਣ ਦੀ ਨਾ ਸੂਝ ਰਹੇ ,
ਹਉਮੈਂ ਨੂੰ ਨਾ ਏਨਾ ਅਪਣੇ ਪਾਸ ਕਰੀਂ ।
ਅਪਣੇ ਆਪੇ ਤੇ ਥੋੜਾ ਵਿਸ਼ਵਾਸ ਕਰੀਂ ।
ਰੇਤ ਬਣੇ ਦਰਿਆਵਾਂ ਕੋਲੋਂ ਕੀ ਮਿਲਣੈਂ,
ਐਵੇਂ ਨਾ ਤੂੰ ਤੀਬਰ ਅਪਣੀ ਪਿਆਸ ਕਰੀਂ ।
ਦੋਸ਼ ਬਿਗਾਨੇ ਵਿਹੜੇ ਨੂੰ ਹੀ ਦੇਵੀਂ ਨਾ ,
ਆਪਣਿਆਂ ਐਬਾਂ ਦਾ ਵੀ ਅਹਿਸਸ ਕਰੀਂ ।
ਅਮਲਾਂ ਦੀ ਦਰਗਾਹ ਵਿਚ ਲੇਖਾ ਦੇਣੈ ਜਦ ,
ਝੁਕ ਨਾ ਜਾਵਣ ਨਜ਼ਰਾਂ ਇਹ ਅਰਦਾਸ ਕਰੀਂ ।
ਔਖੇ ਵੇਲ਼ੇ ਪਰਛਾਵਾਂ ਤਕ ਛਡ ਦਿੰਦੈ ,
ਦੁਨੀਆਂ ਤੋਂ ਨਾ ਬਹੁਤੀ ਕੋਈ ਆਸ ਕਰੀਂ
ਤਕ਼ਦੀਰਾਂ ਦੀ ਹੋਣੀ ਹੈ ਤਦਬੀਰਾਂ ਵਿਚ ,
ਲਿਖਿਆਂ ਲੇਖਾਂ ਤੇ ਹੀ ਨਾ ਭਰਵਾਸ ਕਰੀਂ ।
ਨੱਕੋਂ ਅੱਗੇ ਵੇਖਣ ਦੀ ਨਾ ਸੂਝ ਰਹੇ ,
ਹਉਮੈਂ ਨੂੰ ਨਾ ਏਨਾ ਅਪਣੇ ਪਾਸ ਕਰੀਂ ।
