ਯਾਦ ਤੇਰੀ ਦਾ ਖਿੱਦੋ ਅੱਜ ਉਧੇੜ ਲਿਆ ।
ਦੁੱਖ ਨਵਾਂ ਇਕ ਦਿਲ ਨੇ ਫੇਰ ਸਹੇੜ ਲਿਆ ।
ਦੋਸ਼ ਨਹੀਂ ਹੈ ਤੇਰਾ, ਹੋਰਾਂ ਵਾਂਗੂੰ ਜੇ
ਦਿਲ ਆਪਣੇ ਦਾ ਦਰਵਾਜਾ ਤੂੰ ਭੇੜ ਲਿਆ ।
ਸੁਣਿਐਂ ਉਹ ਵੀ ਭਟਕ ਰਿਹੈ ਅੱਜ ਕਲ ,ਜਿਸਨੇ
ਰਸਤਾ ਆ ਕੇ ਮੰਜਿਲ ਕੋਲ਼ ਨਿਖੇੜ ਲਿਆ ।
ਅੱਖ ਬਚਾ ਕੇ ਕੋਲੋਂ ਦੀ ਲੰਘ ਜਾਵੇ ਉਹ ,
ਲੱਖ ਦੁਆਵਾਂ ਕਰ ਸੀ ਜਿਸਦਾ ਨੇੜ ਲਿਆ ।
ਸੂਲੀ ਉੱਤੇ ਸਾਹ ਲਟਕਾ ਕੇ ਸੁਣਿਆ ਹੈ ,
ਜਦ ਵੀ ਲੋਕਾਂ ਤੇਰਾ ਕਿੱਸਾ ਛੇੜ ਲਿਆ ।
ਕੋਈ ਦੁਸ਼ਮਣ ਆ ਕੇ ਹੀ ਹੁਣ ਸਾਰ ਲਏ,
ਆਪਣਿਆਂ ਨੇ ਅਪਣਾ ਕੰਮ ਨਿਬੇੜ ਲਿਆ ।
ਦੁੱਖ ਨਵਾਂ ਇਕ ਦਿਲ ਨੇ ਫੇਰ ਸਹੇੜ ਲਿਆ ।
ਦੋਸ਼ ਨਹੀਂ ਹੈ ਤੇਰਾ, ਹੋਰਾਂ ਵਾਂਗੂੰ ਜੇ
ਦਿਲ ਆਪਣੇ ਦਾ ਦਰਵਾਜਾ ਤੂੰ ਭੇੜ ਲਿਆ ।
ਸੁਣਿਐਂ ਉਹ ਵੀ ਭਟਕ ਰਿਹੈ ਅੱਜ ਕਲ ,ਜਿਸਨੇ
ਰਸਤਾ ਆ ਕੇ ਮੰਜਿਲ ਕੋਲ਼ ਨਿਖੇੜ ਲਿਆ ।
ਅੱਖ ਬਚਾ ਕੇ ਕੋਲੋਂ ਦੀ ਲੰਘ ਜਾਵੇ ਉਹ ,
ਲੱਖ ਦੁਆਵਾਂ ਕਰ ਸੀ ਜਿਸਦਾ ਨੇੜ ਲਿਆ ।
ਸੂਲੀ ਉੱਤੇ ਸਾਹ ਲਟਕਾ ਕੇ ਸੁਣਿਆ ਹੈ ,
ਜਦ ਵੀ ਲੋਕਾਂ ਤੇਰਾ ਕਿੱਸਾ ਛੇੜ ਲਿਆ ।
ਕੋਈ ਦੁਸ਼ਮਣ ਆ ਕੇ ਹੀ ਹੁਣ ਸਾਰ ਲਏ,
ਆਪਣਿਆਂ ਨੇ ਅਪਣਾ ਕੰਮ ਨਿਬੇੜ ਲਿਆ ।
No comments:
Post a Comment